تسللت أيها الحزن العميق إلى نفسى وتجاوزت حدودك معى..وأصبحت تطرق كل أبوابى..و سريت أيها الوهن داخل جسدى..وأخذت أيها  الشرود بتلابيبى...وأصبح الموت يلوح لى كى أعرف شكله..لكنى لا أموت ..قيد الحياة أنا لكنى أعرف شكل الموت.

سارة الحضري

عصفور

م العش تاه وسط الطريق

يروح يمين وشمال 

وخايف يندهس

عصفور مكانه فى السما

وسط الطيور

إيش يعمل الغلبان

وسط الوحوش

ولأنه مش عارف يعيش 

حاول يطير

حاول كتير  

حاول و حاول

واما طار بجناحه

قابل سور طويل

مع إنه عارف إنو لسه ضعيف جناحه 

وانو ممكن ينكسر

لكنه طار

وفضل يطير

لحد ما جناحه تعب

واما قال أرجع لقى

إن السما أيوة بعيد

لكنه بص ع الطريق  

لقى ان هو كمان

بعيد

فدنه طاير

سارة الحضري

دخل الشتا و ف قلبى حبة شجن

و حنين و شوق ل أدين تكون مخلصة

لعنيين يكونوا ملهوفيين

و لنظرة فيها الأمل

دخل الشتا ... بحلم فقلبى بدفا

وبشمعة ما تنطفيش

واما باقوم من الحلم..

على برد وأنين

أرجع أغمض عينى..

ألقى الدفا 


سارة ع. الحضري